«ՄԱԴԱՄ» ակումբը ԿԳՄՍ նախարարությունում․ Կանայք կրթության, մշակույթի և առաջնորդության միավորող կամուրջում

Ի՞նչ է տեղի ունենում, երբ հաջողակ կանայք մեկ սեղանի շուրջ են հավաքվում՝ հանրային ոլորտի առաջնորդների հետ։
Այդ հանդիպումը դառնում է ոչ միայն երկխոսության սկիզբ, այլև՝ փոխակերպող գաղափարների մեկնարկ։

«ՄԱԴԱՄ» գործարար կանանց միության նախագահ Տաթև Բեյբությանի գլխավորությամբ մեր պատվիրակությունը հյուրընկալվեց ՀՀ կրթության, գիտության, մշակույթի և սպորտի նախարար Ժաննա Անդրեասյանի կողմից։

Հանդիպման առանցքում էր մեկ կարևոր գաղափար՝
📌 Կինը՝ որպես գործարար, որպես կրթող, որպես մշակույթ ստեղծող և առողջ հասարակություն ձևավորող շարժիչ ուժ։

ՄԱԴԱՄ ակումբի անդամները պատրաստակամություն հայտնեցին աջակցել կրթական նախաձեռնություններին՝ մասնագիտական կողմնորոշման, ձեռնարկատիրության և կին առաջնորդության ուղղություններով։ Մեր նպատակը մեկն է՝ հասանելի դարձնել հաջողության ուղիներն ու մոդելները դպրոցականների համար։

Նախարարը կարևորեց մեր փորձառության դերը՝ մասնագիտական կողմնորոշման խմբակների աշխատանքում։ Դպրոցներում ներդրված նոր չափորոշիչները թույլ են տալիս աշակերտներին ծանոթանալ տարբեր ոլորտների հետ՝ իրական գործարարների միջոցով։ Մադամ ակումբի անդամակից Ժեստ հոգեբանական կենտրոնի հիմնադիր Մարիամ Մեհրաբյանի գլխավորությամբ առաջարկվեց մասնագիտական կողմնորոշման նոր ծրագիր, որը բացահայտում է երեխայի իրական տաղանդնրեր և ուղորդում այդ ուղությամբ։

Ի՞նչ գաղափարներ ծնվեցին

✅ ՄԱԴԱՄ անդամները կարող են հանդես գալ որպես մենթորներ և բանախոսներ՝ հանրակրթական դպրոցներում և քոլեջներում։
✅ Մենք կարող ենք համատեղ մշակել կրթական մոդուլներ՝ «Ձեռնարկատիրություն կանանց համար» թեմայով։
✅ Կկարողանանք ներդնել առողջ ապրելակերպի, սպորտի, մշակույթի ծրագրեր՝ հատկապես մարզային համայնքներում։
✅ Ակումբը կարող է համագործակցել դրամաշնորհային նախագծերի շրջանակներում՝ աջակցելով մշակութային և կրթության նոր նախաձեռնությունների։

Այս հանդիպումը «ՄԱԴԱՄ» ակումբի և պետության միջև համագործակցության նոր հարթակի սկիզբ էր։ Այն ապացուցեց, որ երբ կանայք միավորում են ուժերը, փորձը և ձայնը՝ պետության հետ համատեղ, հնարավոր է իրականացնել այնպիսի ծրագրեր, որոնք փոխում են սերունդների մտածելակերպը։

Մենք դուրս եկանք այդ սրահից՝ ոգեշնչված, լսված և վճռական՝ փոխել իրականություն՝ գաղափար առ գաղափար, քայլ առ քայլ։

📌 Շարունակեք հետևել մեր բլոգին ու էջերին՝ առաջիկա կրթական ծրագրերի, համագործակցային նախագծերի և միջոցառումների մասին տեղեկանալու համար։