7 գիրք կանանց համար

Գեղարվեստական գրքեր ընթերցելը, իհարկե, հաճելի է, իսկ հոգեբանական, փիլիսոփայական գրքերը սովորեցնում են հասկանալ ինքդ քեզ, ապրել, մտածել, խորությամբ վերլուծել կյանքում տեղի ունեցող երևույթները: Կան գրքեր, որոնք, իսկապես, կարող են համարվել կյանքի <<ուղեցույց>>: Կանանց համար շատ կարևոր հարցերի պատասխանները կօգնի ձեզ գտնել Մադամը՝ առաջարկելով 7 գիրք, որոնց շնորհիվ կկարողանաք վերափոխել ձեր կյանքը, լինել երջանիկ և անկախ, ռացիոնալ դասավորել օրակարգը, բաձրացնել ինքնագնահատականը, ընտրել երեխայի դաստիարակման ճիշտ մեթոդ և գիտակցաբար մոտենալ կյանքի խնդիրներին:

1.<<Դաստիարակություն սրտից. Առանց կանոնների և պայմանների>> Ալֆի Կոն

Գիրք, որը օգտակար կլինի բոլորին, ովքեր հետաքրքրված են երեխայի կրթության հարցերով։ Հեղինակը՝ Ալֆի Կոնը, հոգեբան և անկախ հետազոտող է կրթության և մարդու վարքագծի բնագավառում: Նա կարծում է, որ երեխաների դաստիարակության հարցում աշխարհում ամենահայտնի մոտեցումը սկզբունքորեն սխալ է: Ժամանակակից մեթոդները մեծահասակներին սովորեցնում են պաշտպանել իրենց իշխանությունը և ստիպել երիտասարդ սերնդին արդարացնել բոլոր ակնկալիքները: Բայց, ըստ հեղինակի, այս ամենն ավելի շատ նման է կենդանիների վարժեցման, որի արդյունքում ավագ սերունդը իր իսկ խնդիրները բարդում է երեխաների վրա: Իր գրքում նա առաջարկում է յուրովի մոտենալ երեխաների մտածողությանը և պատասխանել հարցին՝ ի՞նչ է պետք երեխային և ինչպե՞ս օգնել նրան ստանալ դա։

2. <<Երջանկության հորմոններ. Ինչպես մարզել ձեր ուղեղը սերոտոնին, դոպամին, էնֆդորֆին և օքսիտոցին արտադրելու համար>> Լորետտա Գրացիանո Բրյունինգ

Արդեն վերնագրից պարզ է դառնում, թե ինչի մասին է լինելու այս գիրքը և ինչ նպատակ է հետապնդում։ Այս գիրքը բոլոր նրանց համար է, ովքեր ցանկանում են ավելի երջանիկ լինել և ավելի լավ զգալ: Մեզանից յուրաքանչյուրը լսել է այնպիսի հորմոնների մասին, ինչպիսիք են դոֆամինը, սերոտոնինը, օքսիտոցինը և էնդորֆինը, բայց ոչ բոլորն են հասկանում, թե ինչն է ազդում դրանց արտադրության վրա և ինչպես են դրանք գործում: Բայց հենց այս հորմոններն են փոխում մեր տրամադրությունը և պատասխանատու են ուրախության կամ տխրության համար: Գրքում հեղինակը առաջարկում է 45-օրյա պլան, որով դուք կսովորեք, թե ինչպես կառավարել երջանկության զգացում առաջացնող հորմոնները։ Նաև դրանում կգտնեք առաջարկություններ և վարժություններ ճիշտ սովորությունների ձևավորման և ընդհանրապես ապրելակերպի փոփոխության համար։

3.<<Ես ուզում եմ և կանեմ. ընդունիր քեզ, սիրիր կյանքը և եղիր երջանիկ>> Միխայիլ Լաբկովսկի

Եթե ​​դեռ չեք սովորել ինքներդ ձեզ հասկանալ և վայելել կյանքը, ապա հոգեբան Միխայիլ Լաբկովսկու գիրքն անպայման ձեզ հարմար կլինի։ Դրանում հեղինակը ուսումնասիրում է անհանգստությունների, վախերի, ինքներդ ձեզ լսելու և այլ մարդկանց հետ հարաբերություններ հաստատելու անկարողության պատճառները: Գրքի տարբերակիչ առանձնահատկությունն անգամ ամենադժվար հարցերի կոնկրետ պատասխաններն են։ Այո, հոգեբանի շատ խորհուրդներ կարող են ձեզ կտրուկ ​​և նույնիսկ ցնցող թվալ: Բայց ձեզ միանշանակ դուր կգա այն փաստը, որ հեղինակը չի թաքնվում երկար մտորումների հետևում, այլ հստակ նշում է տարբեր խնդիրների պատճառները և առաջարկում դրանց լուծման տարբերակներ։ Լաբկովսկին պնդում է, որ եթե մարդը ցանկություն ունի, ապա նա միշտ կարող է փոխել իր կյանքը դեպի լավը։ Այս գրքի նպատակը յուրաքանչյուրի անձնական երջանկությունն է, ով կարդում է այն:

4. <<Առավոտյան կախարդանք. Ինչպես է օրվա առաջին ժամը որոշում ձեր հաջողությունը>> Հալ Էլրոդ

Երբևէ մտածե՞լ եք, որ միգուցե կա մի գաղտնիք, որը կարող է փոխել ձեր կյանքը և ցանկացած իրավիճակ շրջել ձեր օգտին: Այս գրքի հեղինակը վստահ է, որ արթնանալուց հետո առաջին ժամը որոշում է ողջ օրվա ընթացքը։ Իր գրքում նա կիսվում է առավոտյան մի քանի ծեսերով, որոնք արդեն օգնել են իրեն և հազարավոր այլ մարդկանց արմատապես փոխվել և իրենց ավելի լավ զգալ: Եվ դա վերաբերում է ոչ միայն դրական մտածողությանը, այլև նյութական բաղադրիչի բարելավմանը, ինչպես նաև առողջությանը. կանանցից ոմանք ճիշտ սովորություն ձևավորելու միջոցով նույնիսկ կարողացել են ազատվել ավելորդ քաշից։ Հեղինակը գրում է, որ արթնանալն ու դրանից հետո առաջին ժամն է, որ ամենաուժեղն է ազդում կյանքի բոլոր ասպեկտների վրա. ճիշտ վերաբերմունքն օգնում է գտնել ձեր տեղը կյանքում, հասնել նյութական հաջողությունների, բարձրացնել արտադրողականությունը և սովորել կենտրոնանալ հիմնական խնդիրների վրա: Պարզապես սկսեք ձեր առավոտը ճիշտ:

5. <<Մանկության փորձություն. Դեպի ինքդ քեզ տանող ճանապարհին>> Նատալյա Ինինա

Այսօր բոլորը հասկանում են, թե մանկությունն ու երիտասարդությունը ինչ կարևոր դեր են խաղում մարդու ճակատագրում։ Ի վերջո, հենց այս ժամանակահատվածում են արմատանում բոլոր գիտելիքներն ու զգացմունքները, որոնք կդառնան հիմնական ուղեցույցը ողջ կյանքի ճանապարհին: Եվ եթե ձեր պատմության մեջ ինչ-որ բան այնպես չի ստացվում, ինչպես դուք կցանկանայիք, և վախերն ու անհանգստությունները ավելի ու ավելի հաճախ են հայտնվում, ապա դրանց առաջացման պատճառները պետք է փնտրել նաև մանկական հիշողություններում: Հեղինակն առաջարկում է ականազերծել այդ «ժամանակային ռումբերը». պրակտիկայի հիման վրա հեղինակը հստակ ցույց է տալիս և բացատրում մանկության դերը հասուն տարիքում: Դա կօգնի ձեզ հասկանալ կյանքին խանգարող բոլոր պահերը, ինչպես նաև ազատվել հին ու նոր բարդույթներից, հետևաբար՝ նաև մեղքի և վախի զգացումից:

6. <<Կեր, աղոթիր, սիրիր>> Էլիզաբեթ Գիլբերտ

Սա ժամանակակից հաջողակ կնոջ ինքնակենսագրական պատմություն է, ով կորցրել է կյանքի իմաստը և վերականգնել այն: Նա յուրաքանչյուր ընթերցողի հիշեցնում է, թե ինչ է նա իրականում ուզում, ինչի մասին է երազում` ազատության, երջանկության, զվարճանալու և ինքդ քեզ հետ խաղաղ ապրելու ունակության մասին:

7. <<Սիրո բանաձև>> Սուշկո Է.

Սիրո մասին գրքեր, խորհուրդներ և պատմություններ շատ կան, սակայն այս գիրքը մեկնաբանությունների, վերամբարձ մեջբերումների կարիք չունի, այն ներկայացնում է առողջ, երջանիկ հարաբերությունների գաղտնիքները:

Այս գրքերն օգնել են հազարավոր կանանց աշխարհի տարբեր երկրներից, հուսով ենք՝ ձեզ ևս կօգնեն լուծել անհանգստացնող խնդիրները, դառնալ էլ ավելի ներդաշնակ և հաշտ ինքներդ ձեզ հետ: Այսքանն էր Մադամը նախատեսել այսօրվա համար, շարունակեք մնալ մեզ հետ, հետևեք նորություններին, քանի որ Մադամի բլոգը խոստանում է հետաքրքիր լինել: Իսկ իսկական լեդիի վարքագծին ծանոթացեք <<Էթիկետի 10 կարևոր կանոն կանանց և աղջիկների համար>> բլոգում: