Ուրախ ենք հայտարարելու ՄԱԴԱՄ Գործարար կանանց ակումբի հերթական կարևոր հանդիպման մասին, որը տեղի կունենա «Կերոն» Զարգացման Հիմնադրամի հյուրընկալ միջավայրում։
«Կերոն» Զարգացման Հիմնադրամն իր առաքելությամբ նպատակ ունի ստեղծելու գրավիչ և խթանող միջավայր այն եռանդուն ու նախաձեռնող անձանց համար, ովքեր օժտված են հարուստ մարդկային կապիտալով։ Հիմնադրամի գործունեությունը միտված է նրան, որ այդ անձանց ջանքերը լինեն առավելագույնս արդյունավետ՝ ի շահ իրենց, մեր հանրության և երկրի կայուն զարգացման։ «Կերոնը» կենտրոնանում է կրթության, նորարարության և մշակութային ժառանգության պահպանմանն ու զարգացմանն աջակցելու վրա, որոնք անմիջապես համահունչ են ՄԱԴԱՄ ակումբի առաջադեմ տեսլականին։
Այս հանդիպումը բացառիկ հնարավորություն է ընձեռում ՄԱԴԱՄ ակումբի ողջ գործարար համայնքին՝ համախմբվելու և անդրադառնալու մեր ընդհանուր նպատակների և ռազմավարական անելիքների քննարկմանը։

Միջոցառման ընթացքում մենք կքննարկենք՝ Հետագա անելիքները, կորոշենք հետագա նպատակները և դրանց հասնելու ճանապարհները: Կհստակեցնենք մեր կարճաժամկետ և երկարաժամկետ գործողությունների ծրագիրը՝ ուղղված կանանց գործարար ներուժի առավելագույն բացահայտմանն ու աջակցությանը։ Կորոշենք ակումբի առաջիկա զարգացման նոր թիրախներն ու ձգտումները՝ հաշվի առնելով գործարար միջավայրի փոփոխությունները։Կմշակենք գործնական մեխանիզմներ և համագործակցության նոր մոդելներ՝ արդյունավետորեն հասնելու մեր սահմանած բոլոր նպատակներին։

Ձեր ակտիվ մասնակցությունը, փորձի փոխանակումը և նոր գաղափարները կենսական նշանակություն ունեն մեր ակումբի առաջընթացի համար։ Սա ֆորում է, որտեղ յուրաքանչյուր անդամի ներդրումը գնահատվում է որպես հավաքական հաջողության անբաժանելի մաս։

Անհամբեր սպասում ենք ձեզ «Կերոն» Հիմնադրամում՝ ապագան միասին ուրվագծելու համար: