Հետ գնալ բլոգի բաժին
Ապագայի 6 մասնագիտություն կանանց համար
Մեզ շրջապատող աշխարհը շարունակ փոփոխվում է: Փոփոխություններ նկատվում են բոլոր ոլորտներում, և անմասն չի մնում նաև աշխատաշուկան. նախկինում պահանջված ու տարածված շատ մասնագիտություններ այլևս արդիական չեն: Ժամանակակից տեխնոլոգիաների ներդրմանը զուգահեռ անընդհատ առաջանում են նոր մասնագիտություններ: Մադամի բլոգում այսօր կներկայացնենք մոտ ապագայի 6 մասնագիտություն կանանց համար:
Արվեստի գնահատող
Այս նոր մասնագիտության էությունը կայանում է արվեստի գործերը ոչ ստանդարտ ձևաչափերով գնահատելու ունակության մեջ: Խոսքը, որպես կանոն, ժամանակակից արվեստի օբյեկտների մասին է, որոնց գնահատման հստակ սկզբունքներ դեռ չեն հաստատվել։ Այնուամենայնիվ, այս ոլորտը մշտապես զարգանում է, նոր միտումներ են ի հայտ գալիս։ Արվեստ գնահատողը պետք է հասկանա առկա միտումները, համեմատի տարբեր աշխատանքներ, կանխատեսի շուկայում դրանց պահանջարկի մակարդակը և սահմանի ցուցահանդեսների և աճուրդների վաճառքի նախնական գինը:
Կենսաէթոլոգ
Այս հազվագյուտ մասնագիտությունն առայժմ հայտնի է միայն գենետիկայի, տրանսպլանտոլոգիայի, բիոինժեներիայի և կենսաբժշկության ոլորտի մասնագետներին: Այս ոլորտներում նոր տեխնոլոգիաների զարգացման հետ կապված՝ հարց առաջացավ մարդկության հիմնարար բարոյական արժեքների պահպանման վերաբերյալ։ Բիոէթոլոգը զբաղվում է էթիկական չափանիշների ձևավորմամբ, որոնք արդիական կլինեն մարդու օրգանիզմում համատարած միջամտությունների ֆոնին։
Զգացմունքների դիզայներ
Այս մասնագետի գործունեությունն ուղղված է սպառողների շրջանում որոշակի էմոցիաներ առացնելուն։ Այս խնդիրը լուծելու համար նա կարող է օգտագործել մարդկանց վրա ազդեցության նոր ուղիներ, տեղեկատվության մատուցման ոչ ստանդարտ եղանակներ և թվային տեխնոլոգիաների վերջին ձեռքբերումները։ Այս ոլորտում պրոֆեսիոնալ դառնալու համար կանանց անհրաժեշտ կլինեն տարրական գիտելիքներ հոգեբանության, ֆիզիոլոգիայի և մարդու անատոմիայի բնագավառում, ինչպես նաև ստեղծագործական մոտեցում նպատակին հասնելու համար:
Անհատական դաստիարակ գեղագիտական զարգացման համար
Կինը, ով մասնագիտորեն տիրապետում է արվեստին, պատմությանը, ճարտարապետությանը, կարող է ծառայություններ մատուցել այն մարդկանց, ովքեր ցանկանում են ընդլայնել իրենց գիտելիքներն այս ոլորտներում և պատրաստ են վճարել դրա համար: Անձնական դաստիարակը ընտրում է գրականություն, ցուցահանդեսներ, համերգներ՝ հաճախորդի մշակութային կարիքներին և ֆինանսական հնարավորություններին համապատասխան: Որպես կանոն՝ խոսքը հարուստ մարդկանց մասին է, ովքեր բավականաչափ ժամանակ չունեն որոշակի ոճի, ուղղության, պատմական դարաշրջանի ուսումնասիրության մեջ խորասուզվելու համար։ Դասավանդողը նրանց համար պատրաստում է ամփոփ թեմա` նկարազարդված համապատասխան պատկերներով, ֆիլմերով, հեռուստահաղորդումներով:
Մոլեկուլային սննդաբան
Օրգանիզմի անհատական առանձնահատկությունների վրա հիմնված սննդակարգի ձևավորման գիտական մոտեցումը գնալով ավելի պահանջված է դառնում, ուստի շուտով սննդի և մոլեկուլային սնուցման ոլորտում էլ ավելի շատ մասնագետներ կպահանջվեն։ Նրանց խնդիրն է մշակել սննդակարգ կոնկրետ անձի համար՝ հիմնված գենետիկական անալիզի տվյալների, ֆիզիոլոգիական բնութագրերի և ապրելակերպի վրա։
Նոր գործվածքների դիզայներ
Բնական նյութերը սինթետիկներով փոխարինելու հստակ միտումը հանգեցնում է մասնագետների պահանջարկին, ովքեր կստեղծեն նոր գործվածքներ: Քիմիայի, ֆիզիկայի, մարդու ֆիզիոլոգիայի, ծրագրավորման ոլորտում կրթություն ունեցող կանայք կկարողանան տիրապետել նման մասնագիտությանը։
Փորձը ցույց է տալիս, որ կանայք հեշտորեն յուրացնում են նոր գիտելիքներ ու մասնագիտություններ և շատ արագ հմտանում են դրանցում: ՏՏ զարգացման այս շրջանում պետք է շարունակ ծանոթանալ նոր մասնագիտությունների և քայլել ժամանակին համահունչ: Մադամի բլոգը ձեզ համար կդառնա լավագույն աղբյուրը նորությունների, մասնագիտական նրբությունների, բիզնես գաղափարների ծանոթանալու համար: Բիզնեսի ամենատարածված տեսակներից մեկը ընտանեկանն է, համաշխարհային հռչակ ունեցող ընտանեկան բիզնեսների մասին ընթերցեք «7 հաջողակ ընտանեկան բիզնես» բլոգում:
