Ինքնավստահության կառուցման մեթոդներ

Ինքնավստահությունը պատրաստի հատկանիշ չէ։ Այն չի գալիս մեկ գիշերվա մեջ և չի պահվում առանց աշխատանքի։ Գործարար կնոջ համար դա գործիք է, որը թույլ է տալիս կայացնել ավելի հստակ որոշումներ, համառ մնալ մարտահրավերների առաջ և ստեղծել ազդեցություն իր ոլորտում։ Եթե ցանկանում եք զարգացնել այն, կարևոր է գործել հետևողականորեն և կիրառել պարզ, բայց արդյունավետ մեթոդներ։

Վստահության հիմքը հստակությունն է․ երբ մարդը գիտի իր ուղղությունը, նրա քայլերն էլ դառնում են ավելի հաստատուն։ Լավ է գրել ձեր նպատակները՝ բաժանելով դրանք կարճաժամկետ և երկարաժամկետ գործողությունների։ Այդպես ճանապարհը հստակ է դառնում, և յուրաքանչյուր քայլ առաջանում է արդեն ավելի վստահ։ Անորոշության զգացումը միշտ էլ կրճատում է վստահությունը, ուստի պատրաստվելը կարևոր պայման է։ Կարևոր հանդիպումից, ելույթից կամ բանակցությունից առաջ արժե հավաքել բոլոր անհրաժեշտ տվյալները, ուսումնասիրել թեման և պատրաստվել հնարավոր հարցերին։Իրական ինքնավստահությունը գալիս է գիտելիքից և փորձից, ուստի արժե ներդրում անել սեփական զարգացման մեջ։ Նոր հմտություններ ձեռք բերելը, լինի դա տեխնիկական գիտելիք, լեզու կամ բանակցության նոր մեթոդ, նվազեցնում է այն պատճառները, որոնք կարող են կասկած առաջացնել։ Խոշոր նպատակները երբեմն կարող են վախեցնել, և այստեղ օգնության է գալիս փոքր քայլերի մոտեցումը։ Ամեն փոքր հաջողություն մոտեցնում է մեծ նպատակին և հոգեբանորեն ամրապնդում է ձեր դիրքը։Մարմնի լեզուն նույնպես ազդում է վստահության վրա։ Ուղիղ կանգնելը, աչքերի հետ շփումը, հանգիստ և հստակ խոսելը ոչ միայն ուրիշներին են փոխանցում վստահության ազդակ, այլև օգնում են ինքներս մեզ այդպես զգալ։ Սխալները պետք է դիտել որպես փորձ, ոչ թե անհաջողություն։ Երբ դրանք վերլուծում ենք և դասեր քաղում, դրանք դառնում են զարգացման մաս, այլ ոչ թե խոչընդոտ։Շրջապատը նույնպես մեծ նշանակություն ունի։ Աջակցող մարդիկ, ովքեր հավատում են ձեր կարողություններին և գաղափարներին, օգնում են պահպանել և զարգացնել վստահությունը։ Այդպիսի միջավայրում աճն ավելի արագ և կայուն է լինում։

Եվ ամենակարևորը՝ ինքնավստահությունը պահելու համար պետք է այն սնուցել ամեն օր՝ շարունակել սովորել, գործել և չվախենալ նոր փորձերից։