Միջոցառման մասին
Անհատի բնավորությունն ու անձնական հատկանիշներն ազդում են կյանքի բոլոր ասպեկտների, ոլորտների վրա, այդ թվում՝ գործնական հարաբերություններ և բիզնես: Այո-այո, բիզնեսը ևս արտացոլում է սեփականատիրոջ բնավորությունը և «ձեռագիրը», քանի որ յուրաքանչյուր ոք բիզնես հիմնում է, ֆինանսական շահերից բացի, նաև նոր արժեքներ ստեղծելու և սեփական գաղափարներն իրագործելու նպատակով: Բացի դրանից՝ առաջնորդի բնավորությունն արտացոլվում է նաև կորպորատիվ մշակույթի մեջ և ժամանակի ընթացքում փոխանցվում է նաև աշխատակիցներին։ Այս իրողությունը լուսաբանելու, բիզնես առաջնորդի ազդեցությունը բացահայտելու և դրական ուղղությամբ կողմնորոշելու նպատակով Մադամ ակումբի անդամակիցները կմասնակցեն «Բիզնեսի հաջողությունը` կախված հիմնադրի ներքին փոփոխություններից» խորագրով առցանց դասընթացի, որը կվարի քոուչ Ռուզաննա Աթասունցը: Վերջինս 19 տարվա փորձ ունի՝ որպես քոուչ և Քոուչինգի և առաջնորդության միջազգային դպրոցի հիմնադիր-ղեկավարն է։
20:00
28-09-2023
Հետ գնալ