Ինչպե՞ս սկսվեց A1 Ստուդիայի պատմությունը։
 Ամեն ինչ սկսվեց պատահականությունից, բայց դարձավ մեծ պատմության սկիզբ։ Պարզապես կար նախագիծ, կար գաղափար, և դրա շուրջ ձևավորվեց թիմ։ Այդպես ծնվեց A1 Ստուդիան՝ ստեղծագործական, պրոֆեսիոնալ և նվիրված մարդկանց համախմբելով մեկ նպատակի շուրջ։

Ի՞նչն է ինձ ստիպում ժպտալ։
 Արևից։ Տաք լույսը, պայծառ առավոտները, էներգիան, որ այն տալիս է։ Միգուցե դա էլ է պատճառը, որ իմ աշխատանքն այնքան կապված է լույսի, գույների ու ստեղծագործական մտքի հետ։

Ինչո՞վ եմ մոտիվացվում։
 Ամեն անգամ, երբ տեսնում եմ պատվիրատուների գոհունակությունը, հասկանում եմ, որ A1 Ստուդիան իր առաքելությունն ամբողջությամբ կատարում է։ Դա ամենամեծ մոտիվացիան է՝ շարունակելու, զարգանալու ու նոր սահմաններ հաղթահարելու համար։

Ընտանիք և բիզնես – կա՞ հավասարակշռություն։
 Հատուկ բանաձև չունեմ։ Երբ սիրում ես այն, ինչ անում ես, ամեն բան իր տեղն ինքն իրեն է գտնում։

Ինչպե՞ս եմ հաղթահարում դժվարությունները։
 Դժվարություններ միշտ կան, և դրանց հաղթահարումից է կախված մեր աճը։ Իմ մեթոդը՝ երբեմն պարզապես մեկուսանալ, վերագտնել էներգիաս, և նոր թարմ ուժով շարունակել։

Ի՞նչ է սպասվում A1 Ստուդիային ապագայում։
 Նոր բիզնես նախագծերը հոբիի մակարդակում են, բայց A1 Ստուդիայի հետ պլանները մեծ են։ Մենք շարունակելու ենք զարգանալ, ստեղծել ու բացահայտել նոր հնարավորություններ, որոնք կօգնեն մեր հաճախորդներին իրենց բրենդերն ու գաղափարները հասցնել նոր մակարդակի։
A1 Ստուդիան ավելին է, քան պարզապես ընկերություն։ Այն ստեղծագործական մտքի, որակի և պրոֆեսիոնալիզմի համադրություն է, որը միշտ բաց է նոր գաղափարների համար։