Ձեզ ենք ներկայացնում մեր ակումբակից Անահիտ Խուդինյանի հարցազրույցը, ով «Ռիչ Պրինտ» և Rich Wildberries ընկերության հիմնադիր տնօրենն է։

Ինչպե՞ս որոշեցիք ստեղծել բիզնես։
Որոշումն իմ մեջ հասունացել է տարիների ընթացքում՝ բիզնեսի ոլորտում ունեցած մեծ փորձի և հստակ նպատակների շնորհիվ։ Սեփական արտադրություն հիմնելու գաղափարը ծնվեց՝ հաճախորդներին որակյալ և յուրահատուկ արտադրանք տրամադրելու ձգտումով: Վստահ եմ, որ իմ փորձն ու գիտելիքները կարող են օգտակար լինել շատերի համար, ովքեր ցանկանում են հաջողությամբ հանդես գալ շուկայում:

Ի՞նչն է ձեզ ստիպում ժպտալ։
Ինձ միշտ ստիպում են ժպտալ իմ աշխատանքի արդյունքներն ու շրջապատող մարդկանց աջակցությունը։ Երբ հաճախորդները գոհ են մնում, իսկ գործընկերներս՝ շնորհակալ, հասկանում եմ, որ իմ աշխատանքը իրական արժեք ունի:

Ի՞նչն է ձեզ մոտիվացնում։
Ինձ մոտիվացնում է աճի և նորարարության ձգտումը։ Ամեն նոր ծրագիր կամ նպատակ ինձ հնարավորություն է տալիս զարգանալու և նոր գիտելիքներ ձեռք բերելու։ Բացի այդ, ցանկանում եմ մեր ընկերությունը հասցնել միջազգային մակարդակի, այդ թվում՝ ներկայանալ Amazon-ում:

Ինչպե՞ս եք համատեղում ընտանիքը և բիզնեսը։
Ես ունեմ լավ մշակված պլանավորում, որը թույլ է տալիս հավասարակշռել աշխատանքն ու ընտանեկան պարտականությունները։ Ինձ համար կարևոր է, որ երկու ոլորտներում էլ կարողանամ լավագույնս հանդես գալ, և այդ պատճառով բաշխում եմ իմ ժամանակն ու ռեսուրսները այնպես, որ դրանք միմյանց չխանգարեն:

Ինչպե՞ս եք հաղթահարում դժվարությունները։
Դժվարությունները հաղթահարում եմ վերլուծական մոտեցումով և հստակ գործողություններով։ Յուրաքանչյուր իրավիճակում փորձում եմ հասկանալ խնդրի աղբյուրները և գտնել ամենահարմար լուծումը: Հավատում եմ, որ ցանկացած մարտահրավեր ունի լուծում՝ պարզապես պետք է հետևողական և խելամիտ մոտեցում:

Պատմեք ձեր նոր նախագծերի և ընկերության հեռանկարների մասին։
Մեր տեսլականը կայանում է ընդլայնել ներկայությունը և ծառայությունների շրջանակը՝ ոչ միայն տեղական, այլև միջազգային շուկաներում։ Ներկայումս աշխատում եմ Amazon պլատֆորմի վրա, որպեսզի մեր արտադրանքը հասանելի լինի ավելի լայն լսարանի համար։