Հետ գնալ
-Ինչպե՞ս որոշեցիք հիմնել բիզնես
Երբ ստացա առաջարկ ներկայացնելու Հայաստանում պրեմիում դասի ավտոյուղերի և քսայուղերի այնպիսի հանրաճանաչ բրենդեր, ինչպիսիք են PETRONAS և ENOC բրենդերը, դա ոչ միայն մեծ հնարավորություն էր, այլև վստահություն, որ իմ տարիների փորձն ու նվիրվածությունը կարող են վերածվել կայուն ու վստահելի բիզնեսի։ Սեփական գործը ինձ համար պարզապես աշխատանք չէ, այլ իմ բազմամյա տարիների ջանքերի, սիրով կատարած աշխատանքի և նորարար մտածողության տրամաբանական շարունակությունը։ Ես հավատում եմ, որ որակն ու վստահությունը պետք է լինեն յուրաքանչյուր բիզնեսի հիմքում, և այդ համոզմունքով էլ սկսեցի իմ ուղին՝ նպատակ ունենալով առաջարկել լավագույնը։
-Ի՞նչն է Ձեզ ստիպում ժպտալ
Հաջողված գործարքները, բավարարված հաճախորդները, միշտ մեծ ուրախություն են պատճառում, բայց իրական երջանկությունը գալիս է այն պահերից, երբ կարողանում եմ այդ հաջողությունը կիսել իմ ընտանիքի, ընկերների ու թիմի հետ։ Նրանց ժպիտը, աջակցությունն իմ ամենամեծ շարժիչ ուժն են։
Ի՞նչն է Ձեզ մոտիվացնում
Նոր հնարավորությունները, բիզնեսի զարգացումը, նոր գործընկերների հետ համագործակցությունները, հետաքրքիր պրոեկտները, ինչպես նաև այն գիտակցությունը, որ իմ աշխատանքով նպաստում եմ ոլորտի զարգացմանը, քանի որ այս ամենը իմ համար ոչ միայն աշխատանք է, այլև առաքելություն՝ ինչ-որ լավ բան անել ու տեսնել դրա արդյունքը։
Ինչպե՞ս եք հաղթահարում դժվարությունները
Յուրաքանչյուր դժվարություն ինձ համար նոր փորձ է։ Դրանք հաղթահարելու համար առաջին հերթին մնում եմ հանգիստ, գնահատում իրավիճակը, խորհրդակցում թիմիս ու գործընկերներիս հետ և գտնում լավագույն լուծումը։ Հետաքրքիր մարտահրավերները հաճախ նոր հնարավորությունների պատճառ են դառնում։
Պատմեք Ձեր նոր նախագծերի և ընկերության հեռանկարների մասին
Այս պահին մենք ակտիվորեն աշխատում ենք ոլորտում մասնագիտացված ծառայությունների որակի բարձրացման ուղղությամբ՝ ներդնելով նորարարական լուծումներ և ընդլայնելով մեր գործընկերային ցանցը։ Մեր նպատակն է ոչ միայն մատակարարել բարձրակարգ քսայուղեր, այլև ստեղծել պրոֆեսիոնալ սպասարկման նոր չափանիշներ, որտեղ որակը, վստահելիությունը և մասնագիտական մոտեցումը առաջնային դեր են խաղում։ Աշխատում ենք ստեղծել միջավայր, որտեղ հաճախորդները կարող են վստահ լինել, որ ստանում են ոչ միայն օրիգինալ ապրանք, այլև ամենապրոֆեսիոնալ սպասարկումը։
