Ձեզ ենք ներկայացնում Էլբա ռեստորանի համահիմնադիր Իլոնա Պապոյանին։

-Ինչպե՞ս որոշեցիք հիմնել բիզնես։ 
-Մեր բիզնեսը հիմնվել է 2010 թ․-ին, երբ հայրս քաղաքում արդեն հայտնի ռեստորանների սեփականատեր է եղել, և այս ռեստորանը թվով 3-րդն էր։ Քանի որ նրա զբաղվածությունը մեծ էր,  ես և քույրս օգնել ենք։ Միտքը եղել է ունենալ ընտանեկան ռեստորան, որը կհյուրընկալի ընտանիքներին, երեխաներին և կապահովի հաճելի միջավայր։  

-Ի՞նչն է Ձեզ ստիպում ժպտալ։ 
-Մեր հյուրերի գոհունակությունը։ 
-Ի՞նչն է ձեզ մոտիվացնում։

-Զարգացման ժամանակակից տեմպերը։ Ամեն ինչ հիմա շատ արագ է զարգանում, փորձում ես այդ ամենի հետ միասին դու էլ հասցնել քո բիզնեսը լավ կետի։

-Ինչպե՞ս եք համատեղում ընտանիքը և բիզնեսը։
-Շատ դժվար է իրականում․ ունեմ երկու երեխա, բայց քանի որ ընտանեկան բիզնես է, մեկը մյուսին լրացնելով հասցնում ենք։

-Ինչպե՞ս եք հաղթահարում դժվարությունները։ 
-Դժվարությունները ստիպում են էլ ավելի ուժեղ լինել և ավելի մեծ քայլերով առաջ գնալ՝ համառությամբ ու առանց վախի։

-Պատմեք Ձեր նոր նախագծերի և ընկերության հեռանկարների մասին։
-Ունենալու ենք հետաքրքիր շոու ծրագրեր՝ համերգների տեսքով։ Երեխաների համար նախատեսված խաղահրապարակ ենք պլանավորում ստեղծել, որպեսզի ծնողները կարողանան համատեղել իրենց հանգիստը և երեխաների զվարճանքը։