Kara Silver-ը մեր քաղաքի ամենահայտնի արծաթագործական բրենդն է։ Իսկ նրա հիմնադիրը՝ Կառա Ավետիսյանը՝ մեր անդամակիցը։ Մենք ուրախ ենք ներկայացնել նրան՝ հարցազրույցի օգնությամբ։

- Ինչպե՞ս որոշեցիք հիմնել բիզնես: 
-Սկզբում արծաթագործությունը ինձ համար հոբբի էր, բայց որոշ ժամանակ անց մարդիկ   սկսեցին   հետաքրքրվել իմ աշխատանքներով, և այն   սկսեց   բերել եկամուտ: Այդ ժամանակ հասունացավ   խանութ-սրահ   հիմնելու որոշումը, և բացումը   կայացավ 2008թ: Մինչ օրս՝  շուրջ 15 տարի աշխատում ենք գեղեցկություն և երջանկություն   պարգևել մեր հաճախորդներին, որոնց մեծ մասը դարձել են ընկերներ:

-Ի՞նչն է ձեզ մոտիվացնում:
-Առավոտյան   արթնանալիս   րոպեներն  եմ   հաշվում,  թե  երբ  պիտի հասնեմ աշխատավայրս, իմ սիրելի թիմի հետ մի բաժակ սուրճ  վայելենք, քննարկենք օրվա անելիքը ու անցնենք գործին: Այդ պահերն են ինձ մոտիվացնում ու ոգևորում ստեղծել նորանոր աշխատանքներ:

-Ինչպե՞ս եք հաղթահարում դժվարությունները: 
-Յուրաքանչյուր   դժվարություն   հաղթահարում   ենք   թիմի   հետ   միասին: Երբ թիկունքդ ուժեղ է, դու ավելի կանգուն ես:

-Ինչպե՞ս եք համատեղում ընտանիքը եւ բիզնեսը: 
-Ինչ խոսք, բիզնեսը զբաղեցնում է օրվա մեծ մասը, բայց երբ ժամանակդ ճիշտես օգտագործում, չեն  տուժում ո՛չ ընտանիքը, ո՛չ   երեխաները, ոչ էլ գործը: Հաճախ   մտածում եմ, որ, երեւի, սա է երջանկությունը, երբ ունես սիրելի աշխատանք և ընտանիք: Ես երջանիկ եմ:

-Պատմեք Ձեր նոր նախագծերի եւ ընկերության հեռանկարների մասին:
-Առայժմ գործում է մեկ խանութ-սրահ, որը գտնվում է Պուշկինի  54 հասցեում, հետագայի   համար   պլանավորում   ենք   նոր   մասնաճյուղեր   Երեւանում   եւ Հայաստանից դուրս: